| انقرہ (جنگ نیوز) ترکی میں یونیورسٹی کے طالب علموں نے اسرائیل کے سفیر کی گاڑی پر انڈوں سے حملہ کر دیا جس پر پولیس نے 20 طالب علموں کو گرفتار کر لیا۔ تفصیلات کے مطابق ترکی میں تعینات اسرائیلی سفیر گیبی لیوی شیڈول کے تحت ساحلی شہر طرابزون کی ایک یونیورسٹی کے دورے پر پہنچے تو وہاں طالب علموں کا ایک گروپ اسرائیل کی غزہ کے خلاف جارحیت پر احتجاج کر رہا تھا اسرائیلی سفیر کی گاڑی یونیورسٹی کے قریب آتے ہی ان طالب علموں نے گاڑی پر انڈوں کی بارش کر دی اس کے ساتھ انہوں نے نعرے لگائے کہ اسرائیل قاتل ہے، بعد ازاں پولیس نے 20 طالب علموں کو اس حرکت پر گرفتار کرتے ہوئے علاقہ گھیرے میں لے لیا ہے۔ |
|
