آئی پی ایل:بنگلور نے گجرات کو 21 رنز سے ہرادیا | Daily Jang News
| |
Home Page
جمعرات 04 شوال المکرم 1438ھ 29 جون 2017ء
April 19, 2017 | 12:09 am
آئی پی ایل:بنگلور نے گجرات کو 21 رنز سے ہرادیا

Royal Challengers Bangalore Won By 21 Runs

Royal Challengers Bangalore Won By 21 Runs
انڈین پریمیئر لیگ میں رائل چیلنجرز بنگلور نے گجرات لائنز کو 21 رنز سے ہرا دیا،راجکوٹ میں کھیلے گئے میچ میں رائل چیلنجرز بنگلور نے پہلے بیٹنگ کی۔

اوپنر کرس گیل اور ویرات کوہلی نے جارحانہ بیٹنگ کی،122 رنز کی شراکت بنائی، گیل نے 7چھکوں اور 5چوکوں کی مدد سے 77رنز اسکور کیے، اس اننگز کے دوران وہ ٹی ٹوئنٹی میں 10ہزار رنز کرنے والے دنیا کے پہلے بیٹسمین بھی بن گئے۔

کپتان ویرات کوہلی نے 64 رنز بنائے، یادیونے 38 اور ٹریوس ہیڈ نے 30رنز اسکور کیے،رائل چیلنجرز بنگلور نے دو وکٹ پر 213رنز بنا ڈالے۔

جوابی اننگز میں گجرات لائنز کی بیٹنگ لائن نہ چل سکی، برینڈن میک کیولم نے 72 رنز بنائے مگر اُن کی یہ اننگز میچ جتوانے کے لیے کافی نہ تھی۔

اشان کشن نے 39 رنز کی اننگز کھیلی، گجرات لائنز مقررہ اوورز میں 7وکٹ پر 192 رنز بناسکی اور 21 رنز سے میچ ہارگئی۔