چیمپینز لیگ: کوارٹر فائنل میں ریال میڈرڈ نے بائرن میونخ کوہرادیا | Daily Jang News
| |
Home Page
اتوار 3؍شعبان المعظم 1438ھ 30 اپریل 2017ء
April 19, 2017 | 02:18 pm
چیمپینز لیگ: کوارٹر فائنل میں ریال میڈرڈ نے بائرن میونخ کوہرادیا

Champions League Riyal Madrid Defeated Munich In The Quarter Finals

Champions League Riyal Madrid Defeated Munich In The Quarter Finals
چیمپینز لیگ کے کوارٹر فائنل میں ریال میڈرڈ نے بائرن میونخ کو روندھتے ہوئے سیمی فائنل میں جگہ بنا لی، کرسٹیانو رونالڈو نے ہیٹ ٹرک ہی نہیں بنائی بلکہ گولز کی سنچری بھی مکمل کر لی، میچ کا فیصلہ اضافی وقت میں ہوا۔

چیمپینز لیگ کے کوارٹر فائنل کا سیکنڈ لیگ، میڈرڈ میں مد مقابل ریال میڈرڈ اور بائرن میونخ، پہلا ہاف کسی گول کے بغیر ختم ہو گیا، کھیل کے 53ویں منٹ میں ہوم ٹیم کو دھچکا لگا اور بائرن کو برتری مل گئی لیکن 76ویں منٹ میں رونالڈو نے گول بنا کر مقابلہ برابر کیا۔

اگلے ہی منٹ میں اون گول پر بائرن کو پھر برتری مل گئی لیکن کھیل کے 84 ویں منٹ میں بائرن میونخ کے وائیڈل کو ریڈ کارڈ ددکھا دیا گیا۔

مقررہ وقت میں بائرن کو دو ایک کی برتری ضرور حاصل رہی ،لیکن یہ سیمی فائنل میں جانے کےلیے ناکافی تھی،میچ کا فیصلہ اضافی وقت میں ہواجس میں کرسٹیانو رونالڈو نے دو گول بنائے۔

112 ویں منٹ میںاسینسیو نے گول بنا کر ریال میڈرڈ کو چار دو کی کامیابی کے ساتھ سیمی فائنل میں پہنچا دیا، رونالڈو نے میچ میں ہیٹ ٹرک کے ساتھ لیگ میں گول کی سنچری بھی مکمل کی۔