پیرس فائرنگ، داعش نے ذمےداری قبول کرلی | Daily Jang News
| |
Home Page
ہفتہ 28 رمضان المبارک 1438ھ 24 جون 2017ء
April 21, 2017 | 09:19 am
پیرس فائرنگ، داعش نے ذمےداری قبول کرلی

Paris Firing Isis Accepted Responsibility

Paris Firing Isis Accepted Responsibility
پیرس کی مشہور شاہراہ شانزے لیزے پر فائرنگ سے دو پولیس اہلکار ہلاک ہوگئے۔فرانسیسی صدرفرانسوا اولاند اس واقعے کو دہشت گردی قرار دے دیا۔دہشتگرد تنظیم داعش نے واقعےکی ذمےداری قبول کرلی۔

خوشبوکا شہر پیرس ایک بار پھر دہشت گردی کا نشانہ بن گیا۔گزشتہ رات پیرس کی مشہورشاہراہ شانزےلیزے پرفائرنگ سے دو پولیس اہلکار زخمی ہوئے جو بعد میں دم توڑ گئے۔ جوابی کارروائی میں حملہ آور بھی مارا گیا۔

پراسیکیوٹر کے مطابق حملہ آور کی شناخت ہوگئی ہے تاہم ابھی شناخت ظاہر نہیں کی جائے گی۔واقعے کے بعد حکام نےشانزےلیزےاوراطراف کےعلاقےکوسیل کردیاجبکہ شاہراہ پرواقع دکانیں اورریسٹورنٹ بھی بند کرادیے گئے۔

امریکی صدرڈونلڈٹرمپ نے فائرنگ کے واقعےکی مذمت کی ہے۔انہوں نے پولیس اہلکاروں کی ہلاکت پرفرانس سےاظہارہمدردی کرتے ہوئے کہا کہ ہمیں دہشت گردی کےخلاف چوکنااورمضبوط رہناہوگا۔دنیابھرمیں دہشت گردی کےواقعات افسوسناک ہیں۔