شاہ زیب حسن کی اینٹی کرپشن ٹربیونل میں سماعت مکمل | Daily Jang News
| |
Home Page
بدھ 28 رجب المرجب 1438ھ 26 اپریل 2017ء
April 21, 2017 | 03:18 pm
شاہ زیب حسن کی اینٹی کرپشن ٹربیونل میں سماعت مکمل

Shah Zeb Hassan Anti Corruption Tribunal Hearing Completed

Shah Zeb Hassan Anti Corruption Tribunal Hearing Completed
اسپاٹ فکسنگ کے الزام میں معطل شاہزیب حسن کی اینٹی کرپشن ٹربیونل میں ابتدائی سماعت مکمل ہو گئی ، پی سی بی کی جانب سے کرکٹر کے خلاف ثبوت 4 مئی کو پیش کیے جائیں گے۔

معطل کرکٹر شاہ زیب حسن پی ایس ایل اسپاٹ فکسنگ کیس میں قائم کردہ تین رکنی ٹربیونل کے روبرو پیش ہوئے، ابتدائی سماعت میں کیس کے ٹرمز آف ریفرنسز(ٹی اوآرز) طے کیے گئے۔

ٹی او آرز کے مطابق پی سی بی شاہ زیب حسن کے خلاف 4 مئی کو ثبوت پیش کرے گا، شاہ زیب حسن ان کا جواب 18 مئی کو دیں گے۔

شاہ زیب حسن کے وکیل اور گورنر پنجاب کے صاحبزادے کاشف رجوانہ نے ٹربیونل پر اعتماد کا اظہار کرتے ہوئے ہائیکورٹ نہ جانے کا اعلان کیا ہے۔

شاہ زیب حسن پر الزامات ہیں کہ انہوں نے بکیز سے رابطے بتانے میں نہ صرف تاخیر کی بلکہ مکمل معلومات بھی فراہم نہیں کیں، ان پر یہ بھی الزام ہے کہ انہوں نے کھلاڑیوں کو فکسنگ پر اکسایا ہے۔