شاہ زیب کو پی سی بی سے ثبوتوں کی تفصیلات نہ ملنے پر مشکلات کا سامنا | Daily Jang News
| |
Home Page
اتوار یکم رمضان المبارک 1438ھ 28 مئی 2017ء
May 17, 2017 | 10:38 pm
شاہ زیب کو پی سی بی سے ثبوتوں کی تفصیلات نہ ملنے پر مشکلات کا سامنا

Shahzeb Facing Difficulties As Pcb Didnt Give Him Details Of Evidences

Shahzeb Facing Difficulties As Pcb Didnt Give Him Details Of Evidences
اسپاٹ فکسنگ اسکینڈل میں معطل کرکٹر شاہ زیب حسن کو پاکستان کرکٹ بورڈ کی جانب سے ثبوتوں کی تفصیلات نہ ملنے کے باعث جواب دینے میں مشکلات کا سامنا ہے۔

معطل کرکٹر شاہ زیب حسن کے کیس کی سماعت اینٹی کرپشن ٹریبونل میں شیڈول ہے،جس میں شاہ زیب حسن نے پی سی بی کی جانب سے 4مئی کو پیش کیے گئے ثبوت کا جواب جمع کرانا ہے۔

ذرائع کا کہنا ہے کہ شاہ زیب نے ثبوتوں کی تفصیلات کے لیے بورڈ سے رابطہ کیا، ان میں محمد عرفان کے ریکارڈ کرائے گئے اس بیان کی بھی تفصیل شامل ہے جس میں ان پر دوسرے کھلاڑیوں کو اکسانے کا الزام بھی لگایا گیا ہے۔

ذرائع کا کہنا ہے کہ تاحال شاہ زیب حسن کو تفصیلات فراہم نہیں کی گئیں، جس کی وجہ سے ان کے لیے جواب جمع کرانا مشکل ہے۔

شاہ زیب اس معاملے کو ٹریبونل کے سامنے بھی اٹھائیں گے، امکان ہے شاہ زیب حسن کو جواب جمع کرانے میں مہلت مل جائے