اٹالین اوپن: جوکووچ اور وینس ولیمز کوارٹر فائنل میں داخل | Daily Jang News
| |
Home Page
جمعہ 26 شوال المکرم 1438ھ 21 جولائی 2017ء
May 19, 2017 | 06:14 am
اٹالین اوپن: جوکووچ اور وینس ولیمز کوارٹر فائنل میں داخل

Djokovic And Venus Enters Italian Open Quarters

Djokovic And Venus Enters Italian Open Quarters
روم میں جاری اٹا لین اوپن ٹینس میں جمعرات کو مردوں کے سنگلز پری کوارٹر فائنل مقابلوں میں جان ازنر، مائلوس رائونک، میرین کلچ، الیگزنڈر زیورو اور جوکووچ کوارٹر فائنل میں پہنچ گئے ہیں۔

سوئزر لینڈ کے اسٹین واورینکا کوامریکا کے جان ازنر کے ہاتھوں 6-7، 4-6سے شکست ہوئی۔ دیگر مقابلوں میں کینیڈا کے مائلوس رائونک نے ٹامس برڈچ کو اسٹریٹ سیٹ میں 3-6، 2-6، جرمنی کے الیگزینڈر زیوریو نے اطالوی کھلاڑی فیبیو فوگنینی کو 3-6، 3-6سے مات دیدی۔

بیلجئیم کے ڈیوڈ گوفن کو  میرین کلچ کے ہاتھوں اسٹریٹ سیٹ میں 3-6، 4-6اور سربیا کے نوواک جوکووچ نے ہسپانوی کھلاڑی روبرٹو بتستا کو 4-6، 4-6سے زیر کر کے کوارٹر فائنل میں جگہ بنائی۔

دوسری جانب خواتین کے پری کوارٹر فائنل مقابلوں میں جرمنی کی جولیا گورجئیس کو اسپین کی گاربائن مگاروزا کے ہاتھوں5-7، 4-6سے شکست ہوئی دیگر مقابلوں میں نیدر لینڈ کی ککی برٹنز نے ایکاترینا مکارووا کو6-7، 1-6، وینس ولیمز نے برطانیہ کی جوہانہ کونٹا کو1-6، 3-6، 1-6سے زیر کیا۔

سیمونا ہیلپ، داریا گیوریلووا، اینٹ کونٹوویٹ بھی اپنے اپنے میچز جیت کر کوارٹر فائنل میں پہنچنے میں کامیاب ہوئیں۔ کزنٹسوا، لیوکک بارونی اور انستاسیا پیولوچنکووا ناکام ہو کر ٹائٹل کی دوڑ سے باہر ہو گئیں۔