پہلا روزہ اتوار28 مئی کو ہوگا، محکمہ موسمیات | Daily Jang News
| |
Home Page
اتوار 28 شوال المکرم 1438ھ 23 جولائی 2017ء
May 19, 2017 | 03:09 pm
پہلا روزہ اتوار28 مئی کو ہوگا، محکمہ موسمیات

Ramadan 2017 Likely To Start On 28 May Met Office Predicted

Ramadan 2017 Likely To Start On 28 May Met Office Predicted
ڈی جی محکمہ موسمیات نے کہا ہے کہ رمضان المبارک کا چاند 27 مئی کو نظر آنے کے واضح امکانات ہیں، پہلا روزہ اتوار28 مئی کو ہو گا، حتمی اعلان رویت ہلال کمیٹی کرے گی۔

امکان ظاہر کیا جارہا ہے کہ اس بار شعبان کا مہینہ پورے 30 دن کا ہوسکتا ہے اور ماہ رمضان کا چاند 27 مئی کو آسمان پر جلوہ گر ہو گا لہٰذا پہلا روزہ 28 مئی بروز اتوار کو ہوگا ۔

رویت ہلال کمیٹی کا اجلاس 26 مئی کو ہوگا مگر ڈی جی محکمہ موسمیات غلام رسول کا کہنا ہے کہ اس روز چاند نظر آنے کے امکانات نہیں ہیں۔

سائنس کی کیلکولیشن کے مطابق 26 مئی کو رمضان کا چاند نظر آنے کے بہت ہی کم امکان ہیں، 27 تاریخ کو چاند نمایاں ہو گا۔

26 مئی کو رویت ہلال کمیٹی کا اجلاس ہوگا،محکمہ موسمیات کی رصدگاہیں رویت ہلال کمیٹی کوچاند مکمل ڈیٹا فراہم کرتی ہیں۔

ڈی جی محکمہ موسمیات کہتے ہیں سائنس کی رو سے چاند کی پیش گوئی سے متعلق اگلے سو سال تک کے کلینڈرز موجود ہیں تاہم چاند کا حتمی اعلان رویت ہلال کمیٹی ہی کرے گی۔