| |
Home Page
منگل یکم ذیقعدہ 1438ھ 25 جولائی 2017ء
May 19, 2017 | 07:59 pm
ایران ،12ویں صدارتی انتخابات ،وقت میں 4گھنٹے کی توسیع

Iran 12th Presidential Election Polling Extended For 4 Hours

Iran 12th Presidential Election Polling Extended For 4 Hours
ایران کے 12ویں صدارتی انتخابات کے مقررہ وقت میں مجموعی طور پر چار گھنٹے کی توسیع کردی گئی ہے۔

دارالحکومت تہران کے گورنر جنرل حسین ہاشمی نے اعلان کیا ہے کہ ملک بھر میں عوام کی جانب سے زبردست جوش وخروش اور پولنگ اسٹیشنوں پر شام کے وقت رش بڑھنے کے باعث وزیر داخلہ کی ہدایت پر انتخاباتی عمل کے وقت میں دو مرتبہ دو گھنٹے کی توسیع کرنے کا فیصلہ کیا گیا ہے۔

جس کے بعد پولنگ کا عمل مقامی وقت کے مطابق رات 10بجے تک جاری رہےگا، اس دوران تہران سمیت مرکزی شہروں کے پولنگ اسٹیشنوں میں بیلٹ پیپرز کم پڑنے کی اطلاعات بھی موصول ہوئی ہے۔

دوسری جانب اپوزیشن امیدواروں نے پولنگ کے دوران متعدد بے ضابطگیوں کا الزام عائد کیا ہے۔

صدارتی امیدوار ابراہم رئیسی کی مہم کی طرف سے مطالبہ کیا گیا ہے کہ حکومت اور الیکشن کمیشن مبینہ خلاف ورزیوں کا فوری نوٹس لیں۔