کلبھوشن معاملے پر سیاست نہیں ہونی چاہیے:ایاز صادق | Daily Jang News
| |
Home Page
ہفتہ 30؍شعبان المعظم 1438ھ 27 مئی 2017ء
May 19, 2017 | 11:32 pm
کلبھوشن معاملے پر سیاست نہیں ہونی چاہیے:ایاز صادق

No Politics On Kulbhushan Issue Ayaz Sadiq

No Politics On Kulbhushan Issue Ayaz Sadiq
اسپیکر قومی اسمبلی ایاز صادق نےکہاہے کہ کلبھوشن کی سزا کا معاملہ قومی اہمیت کا مسئلہ ہے اس پر سیاست نہیں ہونی چاہئے۔

پارلےمنٹ ہاوس میں اسپیکر قومی اسمبلی ایاز صادق نے صحافیوں کے اعزاز میں منعقدہ تقریب سے خطاب کرتے ہوئے کہاکہ اگر آرمی چیف نے یہ کہا کہ وکیل فوج نے فراہم کیا تو ان پر تنقید بلاجواز ہے، مجھے اس کیس کی زیادہ تفصیلات نہیں معلوم اس لئے مزید تبصرہ نہیں کر سکتا۔

انہوں نے کہا کہ کلبھوشن کے معاملہ پر قومی سلامتی کمیٹی کا اجلاس بلایا جا سکتا ہے،ڈان خبر کےمعاملے پر ہر ادارے نے اپنا مثبت کردار ادا کیا ہے۔

ایاز صادق کا کہنا ہے کہ میڈیا کی تنقید ہمارے لئے رہنمائی کا باعث ہے،قومی اسمبلی میں حاضری کی کمی ختم کرنا میرا اختیار نہیں،کورم پورا کرنا سیاسی جماعتوں کی ذمہ داری ہے۔

فاٹا اصلاحات قانون سازی میں تاخیر کے سوال پر اسپیکر ایاز صادق نےکہاکہ تاخیر کےذمہ دار خود فاٹا ارکان ہیں،رکن فاٹا شاہ جی گل آفریدی نے فاٹا کاز کو نقصان پہنچایا، وہ قائد حزب اختلاف خورشید شاہ کی تقریر کے دوران بھی بغیر اجازت مسلسل بولتے رہے، شیریں مزاری مجھے تنگ کرتی ہیں تو مجھے بھی جواباً ایسا رویہ اختیار کرنا پڑتا ہے۔