سی پیک منصوبہ مکمل ہونے سے پاکستان اقتصادی طور پر مستحکم ہوگا
| |
Home Page
جمعرات 23 جمادی الثانی 1438ھ 23 مارچ 2017ء
February 17, 2017 | 12:00 am
سی پیک منصوبہ مکمل ہونے سے پاکستان اقتصادی طور پر مستحکم ہوگا

Todays Print

خیرپورناتھن شاہ(نامہ نگار) گورنمنٹ ڈگری کالج میں  پاک چین راہداری کے عنوان کے تحت سیمینار ہوا ۔اس موقع پرپروفیسر جمن جمالی،زاہد کھوہارو،عبدالصبور گادھی، اے ایس پی ڈاکٹر سمیع ملک اور دیگر مقررین نے سیمینار سے خطاب کرتے ہوئے کہا کہ پاک چین دوستی انتہائی مضبوط ہے اور یہ 1950 سے جاری ہے جبکہ سی پیک منصوبہ 2030 تک مکمل ہوجائیگا۔انہوں نے یہ بھی کہا کہ منصوبہ مکمل ہونے سے پاکستان اقتصادی طور پر مضبوط اور مستحکم ہوگا اور انرجی کی کمی بھی مکمل طور پر ختم ہوجائیگی۔سیکورٹی کے حوالے سے پاک فوج اس کی نگرانی کر رہی ہے۔سندھ میں سی پیک  کے تحت کراچی سے حیدر آباد تک ایک سو چھتیس کلو میٹرموٹر وے تعمیرکیا گیا ہے جبکہ دیگر تجاویز میں کیٹی بندر، دھابیجی انڈسٹری زون سکھر سے حیدر آباد 296کلو میٹر تک سڑک کی تعمیر شامل ہے۔مغرب کی سمت کی سڑک سے بلوچستان اور خیبر پختونخواہ  کے اہم شہر آپس میں جڑ جائینگے۔یہ سڑک چار سو ستر کلو میٹر کی ہوگی۔