بیرسٹر سلطان کی کوششوں سے مسئلہ کشمیر کو عالمی سطح پر پذیرائی ملی
| |
Home Page
پیر 02 رمضان المبارک 1438ھ 29 مئی 2017ء
May 19, 2017 | 12:00 am
بیرسٹر سلطان کی کوششوں سے مسئلہ کشمیر کو عالمی سطح پر پذیرائی ملی

Todays Print

برمنگھم (نمائندہ جنگ) کشمیر پی ٹی آئی مڈ لینڈ کے چیف آرگنائزر چوہدری خادم حسین اور چوہدری اشتیاق لہڑی نے کہا ہے کہ قائد کشمیر بیرسٹر سلطان محمود چوہدری کی ولولہ انگیز قیادت سے مسئلہ کشمیر کو عالمی سطح پر پذیرائی مل رہی ہے۔ ہیلی فیکس کے مقام پر بڑے جلسہ عام سے تحریک آزادی کشمیر کا رخ تبدیل ہوگیا۔ ان رہنمائوں نے چوہدری شیراز جھنگیال، ڈاکٹر فیصل نواز اور چوہدری آصف ڈی سی کو بھی خراج تحسین پیش کیا جنہوں نے مسلسل محنت، لگن اور بھرپور کردار سے ہیلی فیکس کے جلسہ عام کو کامیاب کروایا۔ انہوں نے کہا کہ برطانیہ بھر سے نہ صرف کشمیر، پی ٹی آئی بلکہ آزادی کشمیر کے لیے کام کرنے والوں نے بھرپور شرکت کی۔ چوہدری اشتیاق نے کہا کہ محب الوطن کشمیریوں نے ہمیشہ بیرسٹر سلطان محمود چوہدری کی ہر کال پر ہزاروں کی تعداد میں جمع ہوکر بھارت کو پیغام دیا ہے کہ کشمیر کی آزادی کے سوا کوئی راستہ نہیں ہے۔ انہوں نے ہیلی فیکس جلسہ کے منتظمین آرگنائزر اور ہیلی فیکس کے کشمیریوں کے کردار اور کشمیر سے وابستگی کو سراہتے ہوئے کہا کہ یہ محنت اور جدوجہد رائیگاں نہیں جائے گی۔